Redacción>Boiro>Alén Pérez
11-08-2012
redaccion.boironarede@gmail.com


Arredor das 21:02 un particular alertaba á Central do 112 Emerxencias Galicia dun atropelo no lugar de Triñáns, Boiro.

Na chamada á central de emerxencias, a persoa que dou o aviso especificou que o vehículo agresor se dera á fuga.

A central do 112 con base en A Estrada, mobilizou ata o lugar do suceso á Policía Local de Boiro, a unha unidade da Garda Civil de Tráfico, ao Grupo Municipal de Intervención Rápida de Boiro e a unha ambulancia asistencial do 061 con base en O Saltiño. 

Esta última foi a encargada de trasladar ao ferido ata o Complexo Hospitalario de Oleiros con prognóstico reservado.

Segundo relataron testigos presenciais a BoiroNaRede, a víctima, duns 50 anos responde ás iniciais F.J.S.T., foi brutalmente atropelado por un coñecido co que presuntamente e segundo informaron fontes non oficias, xa tiña unha orde de alexamento de hai anos.

Ao parecer, a víctima, moi coñecido entre os veciños, estaba facendo a típica ruta co fin de recadar cartos para a festa da Virxe do Carme de Abanqueiro, cando supostamente, un "todoterreno" de cor negro pasou varias veces polo seu lado, ata que nunha destas, o turismo colleu velocidade e o atropelou brutalmente.

A Garda Civil abreu unha investigación para exclarecer as causas e motivos do atropelo.
 

A redacción de BoiroNaRede descoñece o avance da investigación, pero segundo sinalaron fontes próximas á investigación, iva a ser doado arrestar ao agresor, xa que o tiñan identificado.
 

Ata o lugar do suceso trasladouse a Garda Civil de Tráfico e o GRUMIR. Foto:Alén Pérez



Neste lugar quedou tirado a víctima. Foto: Alén Pérez