Redacción>Boiro>Alén Pérez
Un ano máis, e como xa ven sendo habitual, as alfombras florais de Corpus volveron a adornar as rúas boirenses.
Este ano, a tarefa estivo dividida en catro grupos diferentes que confeccionaron as alfombras, a tarefa de preparación do verde e das flores veuse levando a cabo dende hai unhas semanas pero foi a noite do sábado cando estas persoas confeccionaron e pintaron ditas alfombras, dende a organización destacaron
<<Este ano houbo menos rapaces que anos atrás, pode deberse a que este ano cadrou na noite de San Xoán>>.
O párroco de Boiro, Rojelio Freijo, destacou a sorte que tiveron co tempo climatolóxico e segundo explicou a BoiroNaRede,
<<As alfombras quedaron preciosas>>.
Tramo de alfombra na Rúa Bao. Alén Pérez
Este ano, cabe destacar a presenza do Arzobisbo de Santiago, Julian Barrios, que foi o encargado de dar a misa e obsequiar á profesora Maruja Lorenzo a Cruz Pontificia , que segundo explicou o párroco boirense, <<É unha condecoración que fai o Vaticano a aquelas persoas que teñen axudado moito na igrexa ou no catecismo, esta muller merécese esta condecoración, xa que ten axudado moito na igrexa, como catequista, limpando, axudando en obras de teatro...>> Tamén lle entregaron un diploma que acredita a súa implicación coa parroquia boirense, e o Arzobispo Julián, foi o encargado de traducilo ao castelán xa que estaba escrito en latín polo secrtario de Benedicto XVI
Momento da entrega da condecoración á Profesora Maruja. Alén Pérez
Ao rematar a entrega destes documentos á profesora Maruja Lorenzo, o arzobispo procedeu a dar a primeira comunión a doce rapaces que elixiron a parroquia boirense para recibir o sacramento da man do Arzobispo.
O arzobispo presideu a eucaristía. Alén Pérez
Ao remate da eucaristía, deuse a saída á procesión que percorreu as diferentes rúas de Boiro, saíndo da igrexa cara a Rúa Principal, subindo pola Rúa Bao, pasando polo Cruceiro e pola Ferrería de camiño xa cara a igrexa. Todas as rúas polas que pasou a procesión estaban decoradas con extensos mantos florais agás a Rúa Principal.
Ao remate da eucaristía comezou a procesión. Alén Pérez
No acto relixioso e na procesión estiveron presentes as autoridades do goberno local representadas por Juan José Dieste , -Alcalde de Boiro-, Manuel Romero -Concelleiro de Deportes, festexos e Xuventude- , Cornelia Ces -Concelleira de Turismo e Relacións Exteriores- , José Antonio Moledo -Concelleiro de Medio Ambiente- e Diego Santamaría -Concelleiro de Medio Rural-. Na cita tamén estiveron presentes o Xuíz de Paz, o sarxento da Policía Local, Manuel José Féas Zas, o Teniente da Garda Civil de Boiro Francisco Javier Mira e o reprensentante da Base Aérea Militar EVA 10 situada en Iroite.
O alcalde e o Obispo charlaron antes da eucaristía. Alén Pérez
Autoridades civiles, locales e militares presidiron o acto. Alén Pérez
A procesión foi seguida por centos de fieis que non se quixeron perder a bendición do arzobispo nos diferentes altares e as palabras de agradecemento á Banda de Música Municipal, ás autoridades, ao concello, e a Cáritas.