BoiroNaRede - Noticias De Boiro

Redacción>Boiro>Alén Pérez

Cinco anos leva aberto Aturuxo, un local social creado hay xa media década por un grupo de rapaces da comarca do Barbanza.
O fin deste local social, era segundo os creadores "espallar a lingua e cultura galega, a libre expresión e o movemento social ante a desgaleguización que sofre o país en xeral, ademáis de presentar unha alternativa lúdica para os mozos barbanzáns".

Aturuxo, creada sen ánimo de lucro, era esceario de concertos, monólogos, exposicións, e máis actos de carácter socio-cultural.

O día 19 de Marzo, a Policía Local fai acto de presenza no local social para entregar un Expediente Urbanístico. Nese documento, o Concello de Boiro, informaba aos integrantes de Aturuxo que tiñan un prazo de 15 dias para "legalizarse", xa que segundo o Concello, o Local Social "carece da licenza CAFE-CONCERTO".
Os integrantes de Aturuxo, din que "iso non ten sentido, somos unha asociación sen ánimo de lucro, contamos co permiso da Consellería de Xustiza".

Pero segundo o Concello De Boiro informou ao persoal de BoiroNaRede, "Hai obrigas que hai que cumplir, a raíz das denuncias que figuran no expediente da Policía Local e Garda Civil instase a esta asociación para que regularice a sua licenza da que carece funcionando como pub e expedindo bebidas alcoholicas irregularmente cando eles están rexistrados como asociación sen ánimo de lucro e non poden facer esto, deben decidir e regularizar a súa situación e polo momento, ninguen falou de peche"

Segúndo se puido enterar BoiroNaRede, Aturuxo puxo en marcha unha recollida de firmas por internet, no que máis de 500 persoas asinaron contra o peche do local. Dende Aturuxo, informan tamén, que solicitaron unha reunión co Alcalde da Corporación e aínda non recibiron resporta algunha. Os integrantes non descartan futuras mobilizacións.