Alén Pérez/Yael Sampedro
Redacción-BoiroNaRede
Era de esperar. O Bloque Nacionalista Galego fixo público un comunicado a través do seu perfil oficial na rede social Facebook.
Os nacionalistas, que teñen tres representantes activos na Corporación boirense, abandoaron as súas bancadas o pasado xoves tra-las protestas dos preferentistas, as cales, posteriormente, obrigarían ao Alcalde a posponer o acto plenario ata o pasado sábado.
Vestidos con camisetas de apoio á Plataforma de Afectados polas Participacións Preferentes e Subordinadas Arousa Norte, os cabezas visibles do BGN boirense, deixaron as súas cadeiras aos poucos minutos de entrar no salón de plenos os membros do Partido Popular e de facer público o seu malestar un portavoz dos afectados.
Os membros do BNG que abandoaron o pleno (Xosé Deira, Dores Torrado e Xoán León), foron acompañados polos dous dous representantes na Corporación Municipal do PSOE boirense. Mentres, os concelleiros do PP, ICB e UPB quedaron sentados nos seus respectivos asentos esperando a que se calmasen os ánimos na sala.
Foi este feito o que deu lugar ao seguinte comunicado por parte do BNG no cal acusa ao Alcalde de Boiro de “Demostrar que para él a política é podar palmeiras, tapar baches e pasarse a lexislatura botando culpas ao goberno anterior”. Os nacionalistas acusan tamén a tódolos concelleiros do PP, UPB E ICB de prepotentes e insensibles: “Suspenso tamén para tódolos Concelleir@s do PP, para Chouza (UPB) e para Begoña (ICB) que demostraron coa súa actitude unha prepotencia, unha falta de sensibilidade e un desprezo impropios do que representa a súa condición de membros dunha Corporación Municipal”
Os nacionalistas rematan o comunicado con un vídeo grabado por BoiroNaRede sobre os incidentes causados no pleno.
Captura de pantalla do comunicado.
