<<Á terceira vai a vencida, camiño de terceira>>, esa é a frase parpadeante que mostra a cabeceira da web oficial do Club Deportivo Boiro. Dende a directiva aseguran que o campo de Barraña albergará este domingo <<un cheo histórico>>. O motivo meréceo, só fai falla que o Bertamiráns perda ou empate co Grixoa para que os boiristas ASCENDAN A TERCEIRA DIVISIÓN. Unha ilusión coa que, tanto técnicos como seguidores e xogadores, levan soñando varios anos.
Os seguidores están convencidos de que o conxunto boirense se fará co ascenso directo este fin de semana, pero, por se os xogadores non estivesen motivados, os seguidores levarán postas unhas camisetas azuis, pretendendo así que a grada estea vestida ao unísono.
Ademáis, o club boirista obsequiará cun pequeño regalo ás 50 primeiras nais que acodan ao campo.
Ademáis, os xogadores senior farán o pasillo de honor aos cadetes, recentes campións de liga que agora xogarán a promoción de ascenso á Liga Galega.
Cabe destacar tamén que BoiroNaRede retransmitirá o partido en Directo dende o Campo de Barraña vía Internet e, ademáis, nos días posteriores, iremos subindo galerías con contidos gráficos da xornada do Domingo.
Sen dúbida, a xornada que se vivirá este Domingo en Barraña, pasará á historia do clube como unha das máis fermosas.
SORTE BOIRO!!
BoiroNaRede fixo un vídeo de motivación para os xogadores:
En total 35806 visitantes (77871 clics a subpáginas) Gracias por leernos!
