De seguido, Quintana, Feijóo, Dieste e Chicolino pasearon polas instalacións do porto, comentando o bo estado das mesmas.
Ao rematar a visita aos pantaláns, Núñez Feijóo, Manuel Fajardo e Dieste Ortigueira compareceron nunha rolda de prensa.
Dieste, Feijóo e Fajardo compareceron ante a prensa. Fotógrafo: Alén Pérez
O primeiro en comezar a rolda foi Manuel Fajardo, «Chicolino», presidente do Club Náutico.
O cal sinalou que «é un orgullo para o Club Náutico, ser o primeiro club en España galardonado coa Bandeira Azul antes de ser inaugurado». Cabe destacar que o Club Nautico está equipado con materiais de última tecnoloxía e segundo sinalou «Algo que temos moi en conta é a recollida de residuos e o aforro enerxético, xa que tendo funcionando toda a iluminación dos pantaláns, a intensidade da corrente non supera os 120V.»
Fajardo aproveitou a ocasión para obsequiar a Feijóo con un diploma que o acredita como Socio de Honrra do clube e convidouno a ir ao porto de Cabo de Cruz para saír a practicar a súa afección, a pesca.
Núñez Feijóo foi obsequiado cun diploma acreditativo como Socio de Honrra.Fotógrafo: Alén Pérez
O segundo en intervir foi o Presidente da Xunta, e este puxo ao Club Nautico de Boiro como un exemplo a seguir, e asegurou que tras a inversión que fixo o Nautico de Boiro, «Agora tócanos a nós, á Xunta». Núñez, fixo mención tamén á tan inquedante crise económica e asegurou que «Galicia é a Comunidade Autónoma con menos débeda».
Feijóo comprometeuse tamén a «Crear os proxectos para a instalación de pantaláns destinados aos bateeiros antes de que finalice este ano» e «acometer, nos anos sucesivos, a ordenación da lámina de auga para que convivan os bateeiros, a pesca de baixura, o marisqueo e a náutica».
Feijóo sinalou a importancia da pesca no sector económico galego Fotógrafo: Alén Pérez
Por último, o Presidente do Goberno Local, Juan José Dieste Ortigueira, agradeceu «O traballo e esforzo que leva facendo a directiva do Nautico de Boiro» e asegurou que dende o concello «axudaremos ao Clube na medida do que nos sexa posíble»
Ao remate da rolda de prensa, as autoridades e a prensa disfrutaron duns pinchos e refrescos a cargo do Club Nautico de Boiro.
Feijóo saudou aos camareiros. Fotógrafo: Alén Pérez
Autoridades e prensa disfrutaron de pinchos e refrescos. Fotógrafo: Alén Pérez
Á saída de Alberto Núñez Feijóo das instalacións portuarias, os afectados polas preferentes volveron a pitarlle e mostrar o seu descontento, mentres, Núñez Feijóo non se dirixiu a eles.
Fortes medidas de seguridade para controlar a manifestación. Fotógrafo: Alén Pérez
